Të hënën bisedohet për rrymën, librat amë dhe doganat

Kosova dhe Serbia do të tentojnë të hënën në Bruksel të tejkalojnë problemet që kanë me librat amë, rrymën dhe doganat

Në raundin e dytë të bisedimeve të drejtpërdrejta në delegacionet e Prishtinës dhe Beogradit, me ndërmjetësim të përfaqësuesve të BE-së, do të debatohet për kthimin e librave amë që Serbia i ka marr nga Kosova, pastaj të rregullohet çështja e vulave doganore, si dhe furnizimi me rrymë i Kosovës, sidomos i enklavave serbe nga ana e rrjetit energjetik të Serbisë.

Shefi i ekipit serb në këto bisedime Borislav Stefanoviq ka thënë se për Prishtinën aktualisht asnjë propozim nuk është i pranueshëm. Ai nuk mendon se në fund të korrikut do të arrihet ndonjë një marrëveshje.

Udhëheqja e delegacionit të Kosovës në këto bisedime, zëvendësministrja Edita Tahiri ka thënë se pret vazhdimin e bisedimeve për çështjet që janë iniciuar në takimin e parë.

“Ne kemi lejuar importimin e mallrave nga Serbia e Serbia nuk lejon hyrjen mallrave të Kosovës, madje as transitin e mallrave të Kosovës për në destinacione të tjera. Prandaj është me shuam rëndësi që Serbia të njohë vulën e Republikës së Kosovës. Po kështu është edhe me librat amë. Ato duhet të kthehen.

Ne i kërkojmë libra origjinalë të marrë gjatë luftës, ndërsa pala serbe ka propozuar që të ktheje vetëm kopjet. Ka pasur njëfarë përparimi, kemi krijuar një komision miks që e udhëheq EULEX-i e cili do të verifikojë saktësinë e kopjeve dhe të origjinalit dhe mendoj se në rundin e dytë do të arrihet një marrëveshje rreth kësaj çështjeje”, ka thënë Tahiri.