Synohet që Fond i privatizimit të futet në buxhet

Deputetët kanë theksuar se në këtë mënyrë Qeveria po do ta financojë deficitin fiskal, shkruajnë mediat në Prishtinë

Një pjesë e parave nga Fondi i Privatizimit, sipas ligjit për Agjencinë Kosovare të Privatizimit, i cili ende është një draft, mund t’i alokohen qysh sivjet buxhetit të Kosovës.

Së pari rehatohen kreditorët, ndërkaq 75 për qind e fondeve të mbetura mund të shfrytëzohen si para publike.

Deputetët kanë theksuar se në këtë mënyrë Qeveria po do ta financojë deficitin fiskal, shkruajnë mediat në Prishtinë. Në Agjencinë Kosovare të Privatizimit nuk pranojnë të flasin për këtë punë.

Nga ana tjetër, deri tani qeveria pas shumë tentativave për t’i kthyer këto para në Kosovë, pati hasur në kundërshtimet e ICO-së. Ndryshe nga herët e kaluara, Zëdhënësi i ICO-së, Andy McGuffie, thotë se këto ndryshime legjislative janë pjesë e reformës se Agjencisë Kosovare të Privatizimit.