Sulmi me bombë, vepër e anarkistëve

Organizata me emrin "Federazione Anarchica Informale" e ka konfirmuar aktin e saj terrorist

Sulmi i djeshëm me bombë në Ambasadën e Zvicrës në Romë ka qenë vepër e një grupi anarkist italian. Organizata me emrin “Federazione Anarchica Informale” e ka konfirmuar aktin e saj terrorist me një letër që është gjetur më vonë, ka njoftuar agjencia italiane e lajmeve ANSA.

Edhe para se të dëshmohej autorësia e aktit, policia italiane i kishte orientuar dyshimet e vet nga qarqet anarkiste të vendit. Motivet vazhdojnë të mbeten të paqarta edhe në ditën e dytë pas sulmit. Megjithatë, bazuar në disa spekulime të shtypit zviceran, sulmi mund të jetë një lloj “hakmarrjeje” e grupeve anarkiste italiane ndaj Zvicrës për mbajtjen në burg të aktivistit anarkist për mbrojtjen e ambientit, Marco Camenisch.