Sparks hidhërohet në Rexhepin

Zëvendësshefi i EULEX-it, Andy Sparks është hidhëruar me deklaratat e ministrit të Punëve të Brendshme të Kosovës, Bajram Rexhepi, të dhëna ditë më parë lidhur me punën e këtij misioni evropian në Kosovë.

Sparks ka thënë sot se Rexhepi duhet të japë llogari para ELEX-it për deklaratën e  dhënë se “Zot na ruaj, s’ka hair nga EULEX-i”.

“Dua të mësoj nga z. Rexhepi pse s’ka hair nga EULEX’i dhe t’i dëgjoj argumentet e tij”, ka thënë tha Sparks para mediave, kur iu kërkua të komentojë këtë deklaratë të fortë të ministrit Rexhepi.

Veprimi i EULEX-it në veri, e sidomos shpërndarja e tabelave, për të cilat Rexhepi ka dhënë urdhër të konfiskohen, i ka ardhur në majë të hundës nga ky misioni. Ai kishte kërkuar nga EULEX-i që të konfiskohen tabelat, por ka marrë përgjigje negative.

“Urdhri im është valid. Ne e dimë se kanë shpërndarë tabela, dhe ato do të konfiskohen kudo që ne kemi qasje…”, ka thënë ministri Rexhepi.