Shqiptarët në krye të listës së emigrantëve të përzënë nga Italia

Në raport theksohet se vendin e parë në listën e të përzënëve (Espulsi) e mbajnë shqiptarët të ndjekur nga marokenët dhe tunizianët

Gjatë vitit të fundit Italia ka lëshuar 1 milionë e 543 mijë leje hyrje nga të cilat 1 milionë e 300 mijë janë leje turistike me kohë të shkurtër, por shumica e tyre nuk respektohet thuajse kurrë.

Aktualisht numri i emigrantëve të parregullt i kalon 500 mijë, është ky rezultati që del nga raporti i katërt i “European Migration Network”, ku theksohet se shqiptarët vijojnë të mbajnë rekordin si emigrantë të parregullt dhe që përzihen më shpesh nga Italia.

Duke u qëndruar shifrave, në Itali mbi 1 milionë e 300 mijë vizitorë janë me qëndrim të shkurtër, e pikërisht këtu krijohen rastet e para të klandestinëve, pasi nuk respektohet afati i kthimit dhe vizitorët qëndrojnë në mënyrë ilegale në Itali.

Siç raporton agjencia e lajmeve noa.al

“Nëse në vitet e para të 2000 shifra prej 1 milionë emigrantësh të parregullt ishte pak a shumë afër realitetit, aktualisht kjo shifër është përgjysmuar. Janë lëshuar 600 mijë leje qëndrimi për familje dhe punë gjatë vitit 2009”, thuhet në raport.

Lidhur me numrin e përjashtimeve, gjatë 2010 në Itali janë pikasur nga policia 47 mijë emigrantë të parregullt.

Nga këta numri i atyre që janë përzënë nga Italia ka kapur shifrën e 4890.

Në raport theksohet se vendin e parë në listën e të përzënëve (Espulsi) e mbajnë shqiptarët të ndjekur nga marokenët dhe tunizianët.

Lidhur me rregullshmërinë e qëndrimit të emigrantëve, Italia ka nisur marrëveshje bashkëpunimi me vendet që kanë numrin më të lartë të emigrantëve./noa/

në raportin e EMN, gjithsesi vihet re një ulje e numrit të të parregulltve në vend, duke nisur nga viti 2002, falë lehtësive të krijuara për të qëndruar në shtetin fqinj.