Shqiptarët e Luginës së Preshevës, braktisin regjistrimin

Anëtarët shqiptarë të komisioneve regjistruese të Preshevës dhe Bujanocit, kanë braktisur komisionet në këto komuna

Arsyeja për këtë mbështetet në vendimin e 2 shtatorit të Kuvendit të deputetëve shqiptarë, që shqiptarët ta bojkotojnë regjistrimin e popullatës në Serbi.

Në Preshevë, në Komision ka mbetur vetëm një shqiptar, ndërsa në tërë komunën kanë mbetur 14 regjistrues. Kurse, në Bujanoc shqiptarët nuk kanë shkuar në komisione që nga 13 shtatori, ditë kjo kur shqiptarët protestuan për të drejtat e tyre.

E njëjta situatë është edhe me Medvegjën dhe si arsye kryesore përmendet fakti se listat nuk janë në gjuhën shqipe, por vetëm në atë serbe me shkrimin cirilik.

Në Entin Statistikor të Serbisë thonë se listat janë shtypur vetëm në një gjuhë, për shkak të përpunimit më të lehtë të shënimeve, për çka nuk është përdorur asnjë gjuhë e bashkësive tjera etnike.