Shqipëria ngjitet në vendin e 78-të në listën globale të konkurrencës

Shqipëria është ngjitur për 10 vende në indeksin e listëse së fundit të konkurrencës të Forumit Ekonomik Botëror (World Economic Forum, WEF)

Shqipëria është ngjitur në vendin e 78-të, me notën 4.1, në indeksin e konkurrencës të vitit 2011. Në vitin e kaluar ajo radhitej në vendin e 77-të, me notën 3.9.

Duke marrë parasysh shkallën e zhvillimit, Shqipëria është klasifikuar si një vend me efikastitet të lartë ekonomik.

Sa u përket vendeve të rajonit, nga vendet e Ballkanit më lart se Shqipëria figurojnë Mali i Zi dhe Kroacia, mirëpo të dyja shtetet kanë shënuar rënie në krahasim me vitin e kaluar.

Mali i Zi radhitet në vendin e 60-të, me një notë 4.3, por me një rënie të 11 vendeve në krahasim me vitin e kaluar, kurse Kroacia radhitet në vendin e 76-të (77 vitin e kaluar), me notën 4.0.

Pas Shqipërisë radhiten Maqedonia në vendin e 79-të, me notën 4.1 (pa lëvizje ndaj vitit të kaluar), Serbia në vendin e 95-të me notën 3.9, duke fituar vetëm një vend në listë nga viti i kaluar, kurse Bosnjë e Hercegovina gjendet në vendin e 100-të (102 vitin e kaluar) me notën 3.8.

Kosova ende nuk figuron në listën e shteteve të indeksit WEF.