Shkup: Investim i huaj, fabrikë për pasqyra automjetesh

Kompania indiane "Motherson Group" është kompania e gashtë, e cila do të ndërtojë fabrikë në zonën e lirë ekonomike Bunarxhik në Shkup

“Motherson Group” do t’i prodhojë të gjitha llojet e pasqyrave për automjete, ndërsa i gjithë prodhimi do të dedikohet për eksport jashtë vendit, njofton Alsat M.

Karakteristikë e kësaj kompanie e cila kontrollon 22 % të tregut botëror në këtë fushë është se para 35 viteve pronari i saj Vivek Segal atëherë vetëm 18 vjeç, bashkë me nënën e tij, biznesin e tyre e kishin filluar vetëm me 8 dollarë amerikan.

“Matherson është kompani të cilën e hapëm unë dhe nëna ime dhe nga këtu rrjedh edhe emri i kompanisë. Kur filluam në vitin 1975 ishim të punësuar vetëm dy persona, por tani me ndihmën e Zotit kemi të punësuar mbi 51.000 persona në mbarë botën”, tha Vivek Segal, pronar i kompanisë Matherson Indi.

Kryeministri i Maqedonisë, Nikolla Gruevski ka bërë të ditur se se investimi i kompanisë indiane  në Bunarxhik kap shifrat prej 12 milion eurosh.Po ashtu investim në fazën e parë të saj do të siguroj së paku 140 vende të reja pune.

Fakti se qarkullimi vjetor i Motherson Grup është thuajse sa gjithë bruto prodhimi vendor i Maqedonisë,  për ministrin e Ekonomisë Saraçini paraqet dëshmi se ky investim do të ketë sukses edhe në vendin tonë.

“Bëhet fjalë për një kompani e cila ka qarkullim vjetor prej 5 miliardë euro që përafërsisht sa i gjithë bruto prodhimi vendor i Maqedonisë”, tha Valon Saraçini Ministër i Ekonomisë.

Kompania indiane pritet pasi një viti ta  prodhojë pasqyrën e parë në Maqedoni.