Gashi, i 27-ti në konkurrencën për “Këpucën e artë”

Cristiano Ronaldo ka fituar „Këpucën e Artë“ duke u bërë kështu fituesi rekord i këtij trofeu të cilin e ka në duar për herë të katërt (në vitin 2008, 2011, 2014 dhe 2015). Këtë vit ai e ka merituar “Këpucën e artë” duke shënuar 48 gola në Primera Division.

Shkelzen Gashi, lojtari i FC Baselit dhe i kombëtares Shqiptare është i vetmi lojtar i Zvicrës dhe sigurisht i vetmi shqiptar në përgjithësi që ka hyrë në mesin e 30 pretendentëve për të fituar trofeun, shkruan azonline.ch.

Ai me 22 golat e shënuar për FC Baselin gjatë këij sezoni ka grumbulluar 33 pikë në këtë konkurrencë duke zënë vendin e 27, transmeton albinfo.ch.

Sa për krahasim: Ronaldo me 48 gola ka 96 pikë, Mesi që është në vendin e dytë, me 43 gola ka 86 pikë ndërsa i treti Aguero nga Macheester City me 26 gola është vlerësuar me 52 pikë etj.