Shkaku i krizës, shqiptarët konsumojnë më pak ushqime

Banka Europiane për Rindërtim dhe Zhvillim, ka bërë të ditur se rritja ekonomike për Shqipërinë në 2012 do të jetë 1.2 përqind.

Këtë konstatim BERZH e bëri gjatë publikimit në Tiranë të raportit për 2011 me titull “Kriza dhe Tranzicioni”, i cili raporton ecurinë ekonomike në 29 vende të rajonit, raporton NOA.

BERZH gjatë publikimit të raportit bën me dije se Shqipëria duhet të ketë kujdes borxhin publik, i cili sipas saj është i lartë dhe ndikon negativisht në rritjen ekonomike të vendit në kushtet e krizës financiare globale.

Përfaqësuesi i BERZH-it në Tiranë theksuan se kjo krizë ka ndikuar në buxhetet e 60 % familjeve shqiptare e rrjedhimisht edhe në jetesën e tyre, duke ulur ndjeshëm edhe konsumin e mallrave ushqimorë./noa&albinfo)