Shitet cd-ja me të dhëna të fshehta bankare

Sërish është paraqitur një cd misterioze e cila gjendet në shitje. Fjala është për kompakt diskun me të dhëna nga bankat e Zvicrës, të cilin një person nga landi NRW i Gjermanisë e ka ofruar për shitje .

Sipas gazetës “Financial Times Deutschland” në këtë cd janë të dhënat e rreth 1000 klientëve gjermanë të një banke private të Cyrihut.

Sikur edhe herëve tjera, bëhet fjalë për gjermanë të cilët i kanë ikur tatimimit të të ardhurave të tyre në Gjermani dhe kanë deponuar paratë në Zvicër.

Një zëdhënëse e Ministrisë së Financave të NRW ka thënë se cd-ja po shqyrtohet.

Po kjo republikë gjermane pak kohë më parë kishte blerë një cd që përmbante të dhëna për 3000 klientë gjermanë bankash në Luksemburg.