SHBA ka përdorur rrjet vëzhgimi në Gjenevë?

Misioni i SHBA-së në Gjenevë ka kërkuar leje për të bërë vëzhgimin në rrethin jashtë misionit, me motiv mbrojtjen nga terrorizmi

Shtypi zviceran i të dielës (NZZ am Sonntag dhe SonntagsZeitung) shkruan lidhur me një rrjet “vëzhgimesh sekrete” që ka udhëhequr SHBA në Gjenevë. Departamenti për Jurisprudencë dhe çështje policore ka konfirmuar ekzistimin e një programi të tillë vëzhgimi, i cili është i drejtuar për mbrojtje nga terrorizmi.

Sipas departamentit, Misioni i SHBA-së në Gjenevë ka kërkuar leje gjatë viteve 2006-2007 për të bërë vëzhgimin në rrethin jashtë misionit, me motiv mbrojtjen nga terrorizmi. Meqë ligjet zvicerane nuk lejojnë një gjë të tillë kjo është refuzuar në muajin gusht të vitit 2007, kanë konfirmuar autoritetet zvicerane.