Rrahje masive ndërmjet refugjatëve në Francë

Si pasojë e përleshjes ka shpërthyer edhe një zjarr që shkatërroi ndërtesat prej druri, ku jetonin afër 1500 emigrantë në pritje për të shkuar në Britaninë e Madhe

Më shumë se 10 persona u lënduan në përleshjet mes kurdëve dhe afganëve në kampin e refugjatëve në qytetin francez Dunkerque, raporton France 24, përcjell albinfo.ch.

Për shkak të përleshjeve ka ndërhyrë edhe policia. Në përleshje ishin përfshirë deri 150 emigrantë, disa që u therrën me thikë u dërguan në spital.

Si pasojë e përleshjes ka shpërthyer edhe një zjarr që shkatërroi ndërtesat prej druri, ku jetonin afër 1500 emigrantë në pritje për të shkuar në Britaninë e Madhe. Emigrantët janë të vendosur në dy shkolla ndërsa shkaqet e zjarrit ende nuk janë bërë të ditura.

Shumë prej tyre janë vendosur aty pas shkatërrimit të kampit pranë qytetit të Calais.