Refugjatë “të përndjekur” nga ndryshimet klimatike

200 ekspertë kanë diskutuar lidhur me dëbimin dhe ikjen e njerëzve si pasojë e ndryshimeve klimatike

Të enjten është mbajtur në Bernë simpoziumi i parë zviceran i azilit. Në këtë simpozium, ku kanë marrë pjesë 200 ekspertë të kësaj fushe është diskutuar lidhur me dëbimin dhe ikjen e njerëzve si pasojë e ndryshimeve klimatike si dhe lidhur me vendosjen refugjatëve në vendet tjera.

Në simpozium ka marrë pjesë edhe ministrja zvicerane për punë të brendshme dhe çështje juridike, Simonetta Sommaruga, njofton drs.ch. Ajo është pajtuar me përfaqësuesit e UNHCR-së se procedura e shpejtë dhe korrekte e azilit si dhe mbrojtja e refugjatëve të rrezikuar nga dhuna dhe të tjerëve, nga shkatërrimi i mjedisit, paraqesin domosdoshmëri. 

U arrit një pajtim i përgjithshëm se ndryshimi i klimës ka ndikim në flukset globale të refugjatëve dhe të migrantëve. Për këtë arsye, shtetet janë ato që duhet të kërkojnë zgjidhje për problemet e reja.