Lajme
Reagon policia, 6 autobusë i kthen në kufij
Mbrëmë në pikëkalimin kufitarë të Merdarës, Policia Kufitare ka kthyer mbrapa gjashtë autobusë me qytetarë nga Kosova, që synonin të emigronin në Bashkimin Evropian
Pas lajmit që u plasua në media se qindra qytetarë nga Kosova po emigrojnë drejt Bashkimit Evropian nëpërmjet Serbisë, ka reaguar menjëherë Policia e Kosovës. Mbrëmë në pikëkalimin kufitarë të Merdarës, Policia Kufitare ka kthyer mbrapa gjashtë autobusë me qytetarë nga Kosova.
Shumica prej këtyre autobusëve ishin nga rajoni i Ferizajt, i cili ka qenë më i prekur nga migrimi këtyre ditëve, citon KTV. Shumë qytetarë janë nisur drejt Hungarisë për të gjetur një jetë më të mirë në njërën nga vendet e Bashkimit Evropian. Ata paguajnë shuma të mëdha parash, që të shkojnë në BE.
Shumica prej këtyre qytetarëve shesin pronat e paluajtshme, por edhe veturat e bagëtinë, duke hyrë në borxhe të mëdha e duke marrë kredi nga banka. Ndërsa, nuk përjashtohen edhe rastet kur gjatë përpjekjeve për të kaluar ilegalisht në zonën kufitare, bien në duar të autoriteteve doganore dhe policore hungareze.
E më pas detyrohen të vuajnë edhe dënime me burgim dhe të ngujuar nëpër kampe të ndryshme në qytetet hungareze.
Lidhur me largimin e qytetarëve të Kosovës nga vendi, ka reaguar edhe Lëvizja Vetëvendosje. “Koalicioni PDK – LDK veçse i siguroi qytetarët e Kosovës që e keqqeverisja e deritashme do të rehabilitohet dhe do të vazhdojë. Kjo e bën Kosovën të pashpresë për secilin qytetari” thuhet në reagimin e Vetëvendosjes.
Ndryshe, brenda pesë vjetëve të fundit më shumë se 70 mijë qytetarë të Kosovës kanë kërkuar azil në vendet e Bashkimit Evropian. Ndërsa, vetëm vitin e fundit rreth 20 mijë kosovarë janë regjistruar në listën e azilkërkuesve. Kështu tregojnë shifrat e Raportit të EASO-s (Zyrës Mbështetëse Evropiane për Azil), të publikuar me 7 korrik 2014.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Pianistja shqiptare mban koncert recital në Washington DC
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Austri
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës? Josef Frizl, i cili u dënua me burgim të përjetshëm pas rastit të incestit në Amstetten...
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?