Rasmussen në Zvicër, Kosova temë e takimeve

Pjesëmarrja e trupave të Zvicrës në “Partneritetin për paqe” ka marrë lëvdata nga Rasmussen dhe nga nikoqirët e tij

Sekretari gjeneral i NATO-s Andres Fogh Rasmussen ka vizituar të enjten Zvicrën. Në takimin që ka pasur me ministrin zviceran të mbrojtjes, Maurer dhe atë të punëve të jashtme, Burkhalter, kreu i NATO-s ka folur, veç tjerash edhe për angazhimin e Zvicrës në Kosovë.

Pjesëmarrja e trupave të Zvicrës (Swisscoy) në kuadër të KFOR-it, gjegjësisht angazhimi zviceran për “Partneritetin për paqe” ka marrë lëvdata nga Rasmussen ashtu si dhe nga nikoqirët e tij.

Angazhimi i forcave zvicerane në Kosovë ka filluar para 13 vitesh ndërsa do të vazhdojüe së paku deri në vitin 2014.

Shkaku i drejtpërdrejtë i vizitës së Rasmussenit në Zvicër ka qenë ftesa që Universiteti i Cyrihut i ka bërë atij për të mbajtur një ligjëratë.