Progresi i konsiderueshëm dhe real i agjendës Europiane të Kosovës

Ministrja e Integrimit Europian, Vlora  Çitaku ka pasur takime me Komisionerin për Zgjerim dhe Politikën e Fqinjësisë Stefan Füle dhe Drejtorin për Ballkanin Perëndimor në Drejtorinë e Përgjithshme të Komisionit Evropian për Zgjerimin  Pierre Mirel.

“Temat qendrore të takimeve kanë qenë marrja e udhërrëfyesit për procesin e liberalizimit të vizave, zgjatja e masave autonome tregtare për bizneset kosovare, si dhe progresi dhe sfidat në kuadër të Raportit të Progresit 2011”, thuhet në kumtesën e Ministrisë së Integrimeve.

Sipas kumtesës në këto takime, ministrja Çitaku ka komunikuar progresin e institucioneve të Kosovës në adresimin e çështjeve prioritare në axhendën e integrimit europian.

“Kam pasur një sërë takimesh të rëndësishme ku kemi mbuluar çështjet prioritare të agjendes Europiane. Pikë kyqe e takimeve ka qenë përmbajtja e Raportit të Progresit 2011. Në takimin e sotëm unë i përcjella Komisionerit Füle pikëpamjet e Qeverise mbi punën e mirë që është bërë në nivelin qendror dhe lokal, dhe se unë jam e bindur që do të kontribuoj në hapjen sa më të shpejtë të dialogut për liberalizimin e vizave”, citohet të ketë thënë ministrja Çitaku.

Çitaku, ka bërë të ditu se u diskutua nevoja për qasje më të mirë në tregjet evropiane për bizneset Kosovare përmes zgjatjes së Masave Autonome  Tregtare.

Poashtu ajo ka përsëritë kërkesën për marrëdhënie kontraktuale me BE-në datën më të hershme të mundshme.. 

Komisioneri Füle ka përshendetur angazhimin personal të ministres Çitaku në promovimin e agjendës Europiane në Kosovë.

Qeveria ka fuqizuar rolin e saj në koordinimin dhe menaxhimin e procesit të Stabilizim Asociimi.

Lidhur më dialogun per procesin e liberalizimit të vizave, misioni i ekspertëve ka perfunduar javen e kaluar viziten lidhur me reintegrimin e personave te riatdhesuar dhe se shpejti presim mendimin raportin lidhur me kete ceshtje.

Komisionieri ka theksuar se pret miratimin e Masave Autonome Tregtare së shpejti per Kosovën. Komisionieri konfirmoj perkrahjen e Komisionit Evropian në kuadër të përspektivës Europiane të Kosovës.

Raporti i Progresit për Kosovën do të publikohet më 12 tetor nga Komisioni Evropian. Raporti i Progresit është instrument i rregullt i Komisionit Evropian me anë të cilit vlerësohet progresi i vendeve kandidate dhe kandidate potenciale në kuadër të procesit të integrimit të tyre në Bashkimin Europian.

Liberalizimi i vizave dhe marrëveshja tregtare Kosovë – BE janë dy iniciativa të propozuara për Kosovën nga ana e Komisionit Evropian në kuadër të Studimit për Kosovën të vitit 2009.