Presidenti i Hondurasit po qëndron në Kosovë

Sosa është takuar dhe me presidenten Atifete Jahjaga, ndërsa pas takimit ka mbajtur një konferencë për media

Presidenti i Republikës së Hondurasit, Porfirio Lobo Sosa, dhe disa përfaqësues të institucioneve hondurasiane po qëndrojnë në Kosovë për një vizitë zyrtare.

Delegacioni nga Hondurasi është pritur në Aeroportin Ndërkombëtar të Prishtinës nga përfaqësuesit e Qeverisë së Kosovës, në krye të të cilëve ishte zëvendëskryeministri i parë i vendit, Behgjet Pacolli.

Sosa është takuar dhe me homologen e tij kosovare, presidenten Atifete Jahjaga, ndërsa pas takimit ka mbajtur një konferencë për media.

Gjatë qëndrimit në Prishtinë, presidenti i Hondurasit pritet të nderohet me çmimin “Doctor Honoris Causa”.