Presidenti çek refuzon të pranojë emigrantë myslimanë

"Pranimi i emigrantëve myslimanë, të cilët janë të vështirë për t'u integruar në territorin tonë, do të krijonte një përzierje kulturore e cila nga ana tjetër, mund të çojë në sulme të mundshme terroriste"

Presidenti çek, Milos Zeman, ka përsëritur në mesazhin e Krishtlindjeve të transmetuar të hënën, se Republika Çeke, nuk do të pranojë, siç ai i quajti emigrantët myslimanë  duke kritikuar figurat kryesore të Bashkimit Evropian, të cilët, siç tha ai, janë të pafuqishëm dhe burokratik.

“Pranimi i emigrantëve myslimanë, të cilët janë të vështirë për t’u integruar në territorin tonë, do të krijonte një përzierje kulturore e cila nga ana tjetër, mund të çojë në sulme të mundshme terroriste”, citoi AFP mesazhin e Krishtlindjeve të presidentit çek, Milos Zeman, që u transmetua më shumë stacione televizive në vend, përcjell albinfo.ch.

Zeman, i cili erdhi në pushtet në zgjedhjet në vitin 2013, në mënyrë të përsëritur ka dhënë deklarata që bien ndesh me  qëndrimet e aleatëve perëndimorë mbi çështje të tilla si Ukraina dhe kriza e refugjatëve.

“Kjo është arsyeja pse unë e kundërshtoj idenë se do të ishte mirë për t`i pranuar rreth 6,200 emigrantë”, tha presidenti çek.

Zeman, në të kundërtën u shpreh pozitivisht se duhet të ndihmohen emigrantet në vendet e origjinës ose në vendet fqinje”, dhe përveç ndihmës për Italinë dhe Greqinë, duhet të ndihmohen vende të cilat tha se janë përballura me valë të migrimit.