Pesë shqiptarë, me 3 kg heroinë, nën dyshek!

Policia i ka arrestuar gjatë verës të pestët në vende të ndryshme të kantonit të Bernës dhe të Lucernit

Policia në Hergiswil të Lucernit ka kapur një bandë droge, e përbërë nga shqiptarët, te e cila ka gjetur 3.5 kilogramë heroinë, njofton prokuroria e përgjithshme e Lucernit.

Pesë dilerë droge janë arrestuar dhe në banesën e tyre janë sekuestruar qeset e drogës, të fshehura nën dyshek.

Njëri nga të kapurit tashmë është dëbuar dhe një tjetër është ndodhet në paraburgim. Tre të tjerët janë në burgun e hetimeve. Nga gjithsej pesë dilerët e dyshuar, katër kanë qëndruar ilegalisht në Zvicër.

Policia i ka arrestuar gjatë verës të pestët në vende të ndryshme të kantonit të Bernës dhe të Lucernit.

Shumicën e drogës, policia e ka konfiskuar në Hergiswil, nën një dyshek dhe në një qese bërlloku. Po ashtu, policët kanë gjetur dhe konfiskuar 25.000 franga me rastin e kontrolleve të bëra për të kapur të dyshuarit.