Personat privatë lirohen nga detyrimi për të ndërtuar strehimore

Parlamanti i Zvicrës me shumicë votash ka vendosur që në të ardhmen të lirojë personat privatë nga detyrimi për të ndërtuar hapësira për mbrojtjen civile (strehimore) në kuadrin e godinave që ata ndërtojnë.

82 deputetë kanë votuar për ndërsa 68 kundër këtij qëndrimi.

Ndryshe nga privatët, për shtëpitë e ndryshme për strehim publik dhe për spitalet do të vazhojë detyrimi për ndërtimin e strehimoreve. Në rast se një gjë e tillë do të jetë teknikisht e pamundur, pronarët do të detyrohen të paguajnë shuma të caktuara për kompensimin e moskryerjes së këtij detyrimi.

Për komunat që gjenden në regjionet me numër të vogël vendesh për strehim do të vazhojë detyrimi për ndërtimin e tyre.

Ministri i mbrojtjes, Ueli Maurer ka bërë përpjekje të në favor të vazhdimit të detyrimit, edhe për privatët, për ndërtimin e strehimoreve. Ai ka theksuar se ndërtuimi i tyre deri më tash ka kushtuar rreth 12 miliardë franga.