Patronimet me emra të huaj fshihen në masë

Emrat ballkanikë dhe turq të kandidatëve në zgjedhjet e kësaj fundjave janë sanksionuar në mënyrë të ashpër, pohon sot gazeta “20Mintues”.

Nxënësit të cilët kanë një mbiemër me prapashtesën –ic  ballafaqohen me shumë vështirësi për të gjetur një shkollë për zanat në kantonin e Cyrihut. Një diskriminim i tillë duket se ka ndjekur po ashtu kandidatët e të dyja palëve, qoftë të djathtës apo të majtës, në zgjedhjet e fundit komunale të kantonit të Cyrihut.

Për partinë SVP/UDC, asnjëri nga tre kandidatët me emër të huaj nuk është zgjedhur.

Për shembull, Aleksander Naumovic, një sipërmarrës aktiv në politikë, ka zbritur për një shkallë. Por, Partia Agrare nuk është e vetmja dëshmitare e këtij fenomeni. Anëtarët e Partisë Socialiste dhe të  Listës Alternative kanë pësuar të njëjtin fat.

Ekonomisti Zülfikâr Güzelgür ishte i treti në listën e socialistëve. Të dielën në mbrëmje ai e gjeti veten në pozitën e fundit.

Edhe në Listën e më të majtës Alternative duket se pretenduesit kanë paguar po ashtu çmimin e mbiemrit të tyre të huaj.

Kurse Zeljko Vuksanovic ka lëvizur nga vendi i shtatë në vendin e njëmbëdhjetë në listën socialiste të Dietikon-it, me 150 vota më pak se numri një.

Ky fakt nuk befason: “Ata janë të gatshëm të na tolerojnë nëse ne iu sjellim vota, por kur vjen puna për të na zgjedhur, na fshijnë emrin”, vëren Zeljko me shumë qartësi për gazetën “Tages-Anzeiger”.

Vuksanoviç i shtron pyetjen vetes nëse do të ishte e dobishme ta krijojë partinë e tij për të mbrojtur interesat e emigrantëve, sepse ata shpesh nuk janë të interesuar për politikën e vendit.

“Do të ishte gjë shumë e mirë për integrim”, thotë ai përmbledhtas.