Shqiperia
Paratë nga droga e korrupsioni po pastrohen me anë të kriptomonedhave

Paratë e fituara nga droga, korrupsioni, krimi apo aktivitetet të paligjshme po pastrohen nëpërmjet kriptomonedhave dhe ky fenomen po përhapet me ritme të shpejta veçanërisht në vendet me institucione të brishta. Është ky paralajmërimi i Chainalysis në raportin për vitin 2023 në të cilin tregon se vet cilin tregon se vetëm gjatë 2022-shit u pastruan nëpërmjet monedhave virtuale gati 24 miliardë dollarë.
“Nëse unë bëj sikur kam investuar 1 mijë euro edhe pas tre muaj them se investim u rrit, por kjo në fakt nuk ka ndodhur. Kështu unë arrij të pastroj paratë. Kjo bëhet më e thjeshtë në mungesë të rregullatorëve”, thotë eksperti IT, Shahin Dokuzi, transmeton A2 përcjell albinfo.ch.
Sipas raportit, pjesë e skemave të pastrimit të parave janë edhe pikat e këmbimit valutor të cilat shpesh përdoren kryesisht nga grupet kriminale.
“Të pastrosh duhet të kesh. në këtë rast janë grupet kriminale ato që mund të pastrojnë më shumë. Në fakt, sot nëpërmjet telefonit, të gjithë munden”, thekson Dokuzi.
Në raportin e fundit, Moneyval, një mekanizëm i Komisionit Europian që bën vlerësimin e riskut të pastrimit të parave vlerësoi se Shqipëria është e rrezikuar nga fenomeni i pastrimit të parave nëpërmjet kriptovalutave.
“Shqipëria rrezikohet pasi gjithçka realizohet nga telefoni. E nis kriptomonedhën dhe nuk kontrollohet nga askush”, vijon eksperti.
Vetëm gjatë një operacioni muajin e shkuar në një pikë të këmbimit valutor në Tiranë, policia sekuestroi 60 665 euro të përfituara nga pastrimi i parave nëpërmjet kriptomonedhave. Gjithashtu u sekuestruan edhe dy llogari me kriptomonedha, me vlerë 135 000 euro.
Të tjera nga Shqiperia
E-Diaspora
-
Filmi i regjisorit Fisnik Maxwille, nominohet në 5 kategori të Çmimeve Zvicerane të Filmit Mësohet se filmi me titullin “The Land Within” (Toka Brenda Meje), i regjisorit Fisnik Maxwille,...
-
“Bild”: Kujdes, Shqipëria kërkon t’i vjedhë Gjermanisë një super-talent
-
Numarics nga Kosova, në garë me kompanitë evropiane për ‘Startup of the year’, ja si mund ta votoni
-
Rita Ora do të udhëheqë një prej ngjarjeve më të mëdha të Vitit të Ri në ‘Times Square’
-
Si rrodhi dita e parë e deputetit Alijaj në Parlamentin e Zvicrës
Jeta në Austri
-
Pse kaq shumë austriakë e refuzojnë Bashkimin Evropian? Austriakët janë më skeptikët në Evropë për përfitimet e Bashkimit Evropian, sipas një sondazhi të fundit...
-
Supermarketet në Vjenë, në hall nga minjtë
-
Cilat ditë pushimi do të kenë punëtorët e Austrisë në vitin 2024?
-
Boksieri Bernardin Jakaj mbron titullin më 9 dhjetor në Vjenë
-
Austria, kundër pranimit të Rumanisë dhe Bullgarisë në Schengen, pengon votimin