Omani njeh pasaportat e Kosovës, thotë Pacolli

Çështja e njohjes nga Omani, po trajtohet me kujdes, pasi ky vend edhe zyrtarisht pranon thëllimin e bashkëpunimit me Republikën e Kosovës

Zëvendëskryeministri Behgjet Pacolli, pas kontakteve të fundit me përfaqësuesit e Sulltanatit të Omanit, ka bërë të ditur se ky vend, është i gatshëm të vazhdoj thëllimin e marrëdhënieve diplomatike dhe ekonomike me Republikën e Kosovës.

Zëvendëskryeministrit Pacolli i është rikonfirmuar mbështetja e Omanit për popullin dhe Institucionet e Kosovës.

“Sulltanati i Omanit njeh pasaportat e Republikës së Kosovës, duke mundësuar lëvizjen e lirë të qytetarëve, të mallrave, të ideve dhe bashkëpunimin ndërbiznesor”, thuhet në njoftimin e zyrës së Pacollit.

Pacolli ka theksuar se çështja e njohjes nga Sulltanati i Omanit, po trajtohet me kujdes, pasi ky vend edhe zyrtarisht pranon thëllimin e bashkëpunimit me Republikën e Pavarur të Kosovës.

“Zëvendëskryeministri Behgjet Pacolli, gjendet aktualisht në Afrikë në kuadër të angazhimeve lobuese për njohje të reja për shtetin e Pavarur të Kosovës. Emrat e vendet të cilat do t’i vizitoj, Behgjet Pacolli gjatë ditëve në vijim, në këtë turne lobues, tani për tani nuk do të bëhen publik”, thuhet në njoftim.