Nuk ka “6 javë pushim për të gjithë”

Sindikata Travail-Suisse kishte kërkuar që të punësuarit të kenë të drejtë për gjashtë javë pushim, në vend të katër javëve

Parlamenti i Zvicrës ka hedhur poshtë iniciativën popullore “6 javë pushim për të gjithë». Autore e kësaj iniciative ka qenë sindikata Travail-Suisse, e cila kërkonte që të gjithë të punësuarit të kenë të drejtë për gjashtë javë pushim, në vend të katër javëve sa është aktualisht.

Parlamenti ka refuzuar po ashtu, me rezultat bindës, edhe kërkesat e ardhura për pushime pesë javëshe brenda vitit për të gjithë të punësuarit.

Vetëm Partia Socialdemokrate dhe ajo e Gjelbër votuan për zgjatje të pushimeve, ndërsa i gjithë kampi i djathtë dhe i qendrës ishte kundër. Të parët, kërkesën e tyre e arsyetuan me stresin në rritje në tregun e punës, ndërsa të dytët (SVP, FDP, CVP dhe BDP) kundërshtimin e tyre e bazuan në arsyen se, sipas tyre kjo iniciativë do të ngarkonte ndërmarrjet së tepërmi.