Njeriu në kulm rrezikon qytetarët dhe bllokon trafikun

Një njeri me probleme psikike prej të hënës në orën 10 është ngjitur në një kulm të një ndërtese në Bazel dhe nga aty hedh tulla e tjegulla duke rrezikuar kalimtarët, njofton blick.ch. Të gjitha përpjekjet e policisë dhe zjarrfikësve për ta bindur që të zbresë poshtë kanë dështuar.

Një dyshek shpëtimi që e kishin vendosur zjarrfikësit para ndërtesës ndërkohë është hequr sepse të gjithë, edhe zjarrfikësit, janë të rrezikuar nga tullat e tjegullat që hedh ai nga lartë.

Si pasojë e këtij veprimi policisë dhe zjarrfikësve u është dashur të mobilizojnë rreth 70 veta, të cilët në vazhdimësi janë në gjendje gatishmërie. Po ashtu rruga shumë e frekuentuar ku ndodhet ndërtesa në fjalë është dashur të bllokohet. Dy tramvajë prej orësh nuk lejohen të qarkullojnë në linjën e tyre