Një njohje e re për Kosovën nga Brunei Darussalam

Është shteti i 90 që e ka njohur Kosovën që nga shpallja e pavarësisë më 17 Shkurt 2008

Ministri i Punëve të Jashtme dhe i Tregtisë i Brunei Darussalam, Mohamed Bolkiah përmes një letre dërguar Ministrit të Punëve të Jashtme të Republikës së Kosovës, Enver Hoxhaj ka konfirmuar njohjen zyrtare të Republikës së Kosovës nga ky shtet.

Ministri Hoxhaj po ashtu ka zhvilluar një bisedë telefonike me Ambasadorin e këtij shteti në Organizatën e Kombeve të Bashkuara në New York, Latif Tuha, i cili ka përcjell përshëndetjet të përzemërta të ministrit të jashtëm dhe i ka konfirmuar ministrit Hoxhaj njohjen e zyrtare nga Brunei Darussalam, njofton Ministria e Punëve të Jashtme të Kosovës.

Sipas njoftimit, me këtë rast, Ministri Hoxhaj është ftuar në një vizitë zyrtare në këtë shtet.