Nisi java “Ditët e Mërgatës” në Skenderaj

Nisi java “Ditët e Mërgatës” në Skenderaj, me arritjen e Karvanit të Mërgatës, i cili përbëhej nga bashkatdhetarët që përkohësisht jetojnë e punojnë në shtetet e ndryshme perëndimore.

Përfaqësuesit e këtij Karvani, të organizuar nga Radio Mërgimi nga Oenax të Francës, të shoqëruar nga përfaqësues të Komunës së Skenderajt, kanë bërë homazhe në varrezat e dëshmorëve në Prekaz dhe kanë vizituar familjen Jashari.

Aktivitetet për nder të mërgimtarëve kanë filluar me koncertin e madh, i cili u mbajt në Sheshin “Adem Jashari”, në të cilin kanë marrë pjesë këngëtarë të njohur shqiptarë që jetojnë dhe veprojnë në perëndim, si dhe këngëtarë vendës.