Ministri Krasniqi takoi finalistin e “Kroacia kërkon yllin”, Mark Marku

Ministri i Kulturës, Memli Krasniqi ka pritur në një takim kosovarin që zuri vendin e tretë në spektaklin “Kroacia kërkon yllin”, Mark Markun.

Ai megjithëse zuri vendin e tretë kishte një mbështetje të madhe nga audienca.

Në këtë takim, ministri Krasniqi e ka përgëzuar Markun për suksesin e arritur dhe vullnetin që ka për zhvillim të talentit.

Ministri po ashtu e vlerësoi shumë faktin që Marku në çdo moment ka përmendur vendlindjen e tij dhe e ka thënë në çdo rast se ai përfaqëson shtetin e Kosovës. Ndërsa Marku ka falënderuar ministrin për interesimin që ka treguar dhe që vazhdimisht e ka kontaktuar para dhe pas çdo gare.

Në këtë takim e pranishme ishte edhe Ivana Nobilo Cetinski, presidente e agjencisë “Nobilo&Cetinski”, që tash e tutje e ka në menaxhim karrierën e Markut.