Marsh solidarizues për binjaket e zhdukura

Marshuesit kanë ecur deri te shkolla në të cilën mësonin vajzat dhe pastaj ka përfunduar te shtëpia e nënës së tyre

Tronditja që ka pësuar lokaliteti St-Stulpice i kantonit Vaud pas zhdukjes pa gjurmë të dy binjakeve, vazhdon të jetë temë mbizotëruese në mesin e popullatës së atjeshme. Për të shprehur mllefin dhe protestën e tyre, banorët e St.Stulpice-s kanë mbajtur dje një marsh solidarizimi me familjen e binjakeve të humbura.

Marshuesit kanë ecur deri te shkolla në të cilën mësonin vajzat dhe pastaj ka përfunduar te shtëpia e nënës së tyre. Nëna nuk ka marrë pjesë në marsh por ka falënderuar organizatorët për këtë shprehje solidarizimi. Dy vajza, moshatare të binakeve i kanë dhuruar asaj në mënyrë simbolike një buqetë me lule.

Binjaket janë zhdukur pa gjurmë që nga 30 janari i këtij viti. Babai i tyre i kishte marrë për shëtitje nga nëna (nga e cila ishte shkurorëzuar) dhe nuk i kishte kthyer më.

Pastaj ai ishte gjetur i vdekur në Itali, ku kishte bërë vetëvrasje.