Mafia italiane, shumë e pranishme në Zvicër

Mafia në Zvicër nuk bën vetëm larje parash, por është e përfshirë edhe në të ashtuquajturin “kriminalitet bazik si tregtia me narkotikë dhe me armë, grabitjet etj.

Zvicra, gjatë njëzet viteve të fundit është bërë cak i veprimeve kriminale të mafisë italiane, por ajo deri më tash ka qenë pak e njohur për autoritetet e këtushme. Në këtë përfundim ka ardhur Zyra Federale për Polici (Fedpol) në raportin e saj më të ri vjetor, të publikuar të martën.

Mafia, sipas këtij raporti, në Zvicër nuk bën vetëm larje parash, për çfarë policia kishte më shumë njohuri prej vitesh, por është e përfshirë edhe në të ashtuquajturin “kriminalitet bazik”. Këtu bëjnë pjesë tregtia me narkotikë dhe me armë, grabitjet dhe plaçkitjet me dhunë të parave etj.

Ndër pikat tjera më akute të nevojës për luftim të kriminalitetit, Fedpol ka vendosur kriminalitetin e organizuar, terrorizmin dhe trafikun me qenie njerëzore.