Luksemburgu ndërpret pranimin e azilkërkuesve

Ky shtet nuk ka kapacitete të pranojë më refugjatë, shumica e të cilëve vijnë nga Serbia, Maqedonia dhe Kosova

I përballur me fluksin e papërballueshëm të refugjatëve, shteti i vogël i Beneluksit, Luksemburgu, ka vendosur të mos pranojë më fare refugjatë.

Ministri për migracion i këtij vendi Nicolas Schmit ka deklaruar për mediet e vendit se Luksemburgu nuk është më në gjendje të pranojë azilkërkuesit e rinj që ia mësyjnë në vazhdimësi dhe në numër të madh, raporton portali rponline.de.

Sipas tij, vetëm në javën e fundit në Luksemburg janë paraqitur me kërkesat e tyre për azil 160 veta. Shumica e tyre kanë ardhur nga Serbia, Maqedonia dhe Kosova. Schmitt ka thënë se në këtë gjendje janë të domosdoshme bisedimet me qeveritë e vendeve prej të cilave kanë ardhur refugjatët.