Ligjet për ekonomi, të pazbatueshëm në Kosovë

Ligjet e aprovuara në ekonomi në një masë të madhe, janë në pajtim më ligjet e Bashkimit Evropian.

Por fatkeqësisht kur ligjet hynë në fuqi, nuk japin ndonjë rezultat konkret, pasi qe nuk gjejnë zbatim, kanë vlerësuar ekspertë të çështjeve ekonomike dhe ligjvënësit kosovarë.

Ekspertë të çështjeve ekonomike kanë deklaruar se moszbatimi i ligjeve në ekonomi po krijon probleme të mëdha në funksionimin e sistemit ekonomik në Kosovë.

Moszabatueshmëria e ligjeve do të jetë një problem edhe për një kohë të gjatë në Kosovë.

Sipas eksperti i ekonomisë Haki Shatri, moszbatimi i ligjeve ekonomike po ndikon në dinamikën e rritjes ekonomike dhe zhvillimit të gjithëmbarshëm ekonomik, shkruan Koha Ditore.

Ligjvënësit e Kosovës, vazhdimisht kanë potencuar se numri i ligjeve ekonomike të miratuar nga Kuvendi i Kosovës është jashtëzakonisht i madh, por që një pjesë e tyre, që në kohën kur janë miratuar, kanë mbetur vetëm në sirtarët e kabineteve të ministrive.

Pothuajse në të gjitha raportet që hartojnë organizatat ndërkombëtare për Kosovën, vonesën apo moszbatimin fare të ligjeve, edhe me tej e konsiderojnë si problem tejet të madh.