“Lajnë” macen në lavatriqe, derisa e mbysin

Ishte konstatuar se fëmijët e kishin futur macen në makinën e larjes së rrobave dhe e kishin aktivizuar pastaj makinën

Tre djem të vegjël, gjashtë deri nëntë vjeç, kanë mbytur përmes torturës së tmerrshme një mace të fqinjëve. Një grua, banuese në ndërtesën e përbashkët kishte ndjerë se një erë e rendë po vinte nga lavatriçja në bodrum. Ajo që kishte parë ajo, kishte qenë një mace e ngordhur prej kohësh dhe tashmë e kalbëzuar, shkruan blick.ch.

Policia e thirrur nga gruaja në fjalë ka marrë në pyetje një numër fëmijësh të lagjes dhe së shpejti u kishte rënë në gjurmë tre fëmijëve, autorë të veprës makabre.

Ishte konstatuar se fëmijët e kishin futur macen në makinën e larjes së rrobave dhe e kishin aktivizuar pastaj makinën e cila ishte rrotulluar deri sa kishte mbytur macen, njofton policia e qytetit të Cyrihut.

Me gjithë faktin se është kryer vepër e torturimit të kafshëve, tre fëmijët nuk i detyrohen ligjit për shkakun se ende nui i kanë mbushur 10 vjet. Për këtë arsye, policia po shikon  nëse ka bazë për ndjekje penale të prindërve të tyre.