Kryetarja Calmy-Rey i shkruan Ambasadorit të Kosovës

Në letrën e saj, kryetarja e Konfederatës zvicerane, njëherësh shefe e Departamentit federal për Punë të Jashtme, Micheline Calmy-Rey, falënderon ambasadorin Naim Malaj për fjalët e tij miradie pas dorëheqjes së saj nga Këshilli federal.

“Më kënaq fakti që keni vlerësuar punën time në krye të Departamentit federal të Punëve të Jashtme. Pozicioni i Zvicrës si mediatore në skenën ndërkombëtare, të cilin e theksoni, ka qenë në mënyrë efektive në mesin e prioriteteve të mia pranë zhvillimit të marrëdhënieve me Unionin Evropian dhe me shtete të tjera. Që nga shumë vite Evropa Juglindore është një rajon, në të cilin Zvicra është fuqimisht e angazhuar dhe, jam e bindur, se do të mbetet kështu”.

Zonja M. Calmy-Rey bën me dije ambasadorin se është duke kërkuar një datë para fundit të këtij viti për pranimin e “Çmimit Diaspora”.