Kosova merr nën kontroll pikat kufitare me Serbinë

Me urdhrin e kryeministrit Thaçi, njësitet speciale të policisë së Kosovës kanë filluar aksionin për marrjen nën kontroll të pikave 1 dhe 31

Policia e Kosovës ka marrë nën kontroll pikat kufitare me Serbinë. Siç bën të ditur RTK, me urdhër të kryeministrit të Republikës së Kosovës, Hashim Thaçi, njësitet speciale të policisë së Kosovës kanë filluar në orët e vona të mbrëmjes aksionin për marrjen nën kontroll të pikave 1 dhe 31 në veri të vendit. Këto pika ishin jashtë kontrollit të autoriteteve kosovare që nga shpallja e pavarësisë së Kosovës, në vitin 2008.

Ky veprim vjen pas vendim të qeverisë së Kosovës për vendosjen e masave të reciprocitetit me Serbinë.

Pak para aksionit të policisë së Republikës së Kosovës, kryeministri Hashim Thaçi ka shkarkuar nga pozita e drejtorit të përgjithshëm të policisë së Kosovës Reshat Maliqin.

Pikat 30 dhe 31 janë vlerësuar si vendkalim kryesor i kontrabandës dhe krimit të organizuar. Kjo ka qenë brenga kryesore e autoriteteve kosovare por edhe e gjithë spektrit politik në vend. Me ardhjen e EULEX në Kosovë u patën shtuar shpresat se këto dy pika do të futen nën kontrollin e autoriteteve kosovare.

Ky është aksioni i parë serioz i autoriteteve kosovare për të shtrirë autoritetin në tërë territorin e Republikës së Kosovës. Rreth masave të resciprocitetit patën reaguar ashpër autoritetet e Serbisë por këtë veprim të Qeverisë së Republikës së Kosovës e pat arsyetuar ndihmëssekretari amerikan Thomas Countryman.