Kosova

Kosova kujton 11 shtatorin

Sot janë bërë 21 vjet që kur SHBA u sulmua në një sulm terrorist, duke lënë qindra të vdekur

Presidentja e Kosovës, Vjosa Osmani, kryeministri i Kosovës, Albin Kurti dhe zëvendësambasadorja e SHBA-së, Alyson Grunder, bëjnë homazhe përkujtimore te memoriali “Kosova kujton”, kushtuar viktimave të 11 shtatorit 2001 në SHBA.

Osmani me këtë rast tha se sot, më 11 shtator, i bashkohemi gjithë popullit amerikan për të ndarë dhimbjen për rreth 3 mijë jetë të humbura, në një betejë e cila edhe një herë u tregua të jetë betejë vlerash, përcjell albinfo.ch.

“Më 11 shtator 2001 shtetasit amerikanë, qytetarët e SHBA-së ishin në një ndër sulmet terroriste më të tmerrshme të historinë së njerëzimit, por atë ditë nuk u sulmua vetëm Amerika, por u atakuam të gjithë ne që besojmë në të njëjtat vlera”, tha Osmani.

Presidentja Osmani tha se populli i Kosovës çdo ditë ka qëndruar me popullin amerikan, i ka bashkuar forcat në mbrojtje të këtyre vlerave dhe në luftim të terrorizmit.

“21 vjet më vonë ne nderojmë kujtimin për viktimat dhe shprehim dhembshurinë e solidaritetin për atë ngjarje të rëndë dhe për familjet dhe gjithë kombin amerikan. Me presidenten e Republikës dhe zëvëndësambasadoren amerikane vendosëm lule të freskëta këtu në memorialin që kujton këtë ngjarje dhe na e përkujton të mos e harrojmë kurrë se liria e demokracia duhet të mbrohen përherë, sepse ato vazhdimisht janë në rrezik. U prehshin në paqe të gjitha viktimat dhe jetoftë përgjithmonë miqësia dhe partneriteti midis Republikës së Kosovës dhe ShBA-së”, është shprehur Kurti.