Kosova edhe me Çekinë marrëveshje për riatdhesim

Marrëveshja shtë finalizuar dhe pritet të nënshkruhet gjatë qershorit të këtij viti

Pas nënshkrimit të marrëveshjeve me shtetet e Benelex-it për riatdhesim të shtetasve të Kosovë, sot ministri i Punëve të Brendshme, Bajram Rexhepi ka biseduar për një marrëveshje të ngjashme me ambasadorin e Çekisë në Kosovë, Jiri Dolezel.

Sipas një njoftimi të Ministrisë së Punëve të Brendshe, në këtë takim ministri Rexhepi dhe ambasadori Dolezel kanë diskutuar për thellimin e marrëdhënieve ndërshtetërore, si dhe për nënshkrimin e marrëveshjes për riatdhesim, e cila tani më është finalizuar dhe pritet të nënshkruhet gjatë qershorit të këtij viti.

Gjatë takimit, ministri Rexhepi ka shpalosur prioritetet e Ministrisë së Punëve të Brendshme, të cilat dalin nga programi qeveritar dhe agjenda evropiane, me theks të veçantë në forcimin e rendit dhe ligjit në vend dhe liberalizimin e vizave me BE-në.

Po ashtu është diskutuar për gjendjen e sigurisë në Kosovë dhe mundësitë e bashkëpunimit në mes të Kosovës dhe Çekisë në fushën e sigurisë.

Ministri Rexhepi ka falënderuar Çekinë për përkrahjen e dhënë shtetit të Kosovës për kontributin e madh në njohjen dhe konsolidimin e shtetit të Kosovës dhe tani në procesin liberalizimit të vizave.

Nga ana tjetër, ambasadori Dolezel ka shprehur gatishmërinë e Qeverisë së Çekisë në përkrahjen e mëtejme të Qeverisë së Kosovës në procesin e integrimit evropian dhe liberalizimin e vizave dhe në fushat tjera