Kërkohet rishikim i kushteve për adoptim të fëmijëve

Këshilltarja nacionale e të Gjelbërve, Francine John-Calame, ka deponuar një iniciativë parlamentare në favor të zbutjes së kushteve për adoptim të fëmijëve në Zvicër, njofton e përditshmja “24 Heures”.

Vërejtjet kryesore të këshilltares nacionale kanë të bëjnë me faktin se kërkesat aktuale në fuqi nuk përkojnë me mënyrën e jetesës së tanishme. Në fakt, autoritetet nuk i shqyrtojnë kërkesat e çifteve që jetojnë së bashku pa u martuar, apo që jetojnë në partneritet të regjistruar, pa lidhur kurorë.

Përpos këtyre vërejtjeve, çiftet po ashtu realizojnë kur kanë probleme fertiliteti kur u afrohen të tridhjetave dhe se duhet pritur moshën 35-vjeçare për të mundur të adoptojnë fëmijë, ashtu siç e kërkon procedura e adoptimit aktual. Veq kësaj, procedura e adoptimit është po ashtu e gjatë dhe se çiftet arrijnë moshën 40-vjeçare kur mund të adoptojnë, kurse në disa vende ku çiftet dëshirojnë të adoptojnë fëmijë, preferohen çiftet e moshës së re.

Reth 400 adoptime finalizohen në Zvicër në vit, edhe pse 1000 çifte e fitojnë këtë të drejtë për çdo vit.

Në nëntor të vitit të kaluar iniciativa e F. John-Calame është pranuar thuajse unanimisht (21 pro, 1 kundër) nga Komisioni për çështje juridike të Këshillit Nacional.