Kallëzim penal kundër imamit Shefqet Krasniqi, ka fyer Nënë Terezën

Imami i Xhamisë së Madhe të Prishtinës, Shefqet Krasniqi, ka gjasa që të japë llogari para drejtësisë kosovare për fjalët që ka thënë dy vjet më parë për nobelisten shqiptare Nëna Terezë.

Dy avokatë, një shkrimtar dhe një qytetar nga Prishtina kanë ushtruar një kallëzim penal kundër imamit Krasniqi për katër vepra penale të dënueshme deri në 10 vjet burgim.

Imami Krasniqi dy vjet më parë kishte thënë se Nëna Terezë e ka vendin në xhehenem.

“Midis xhehenemi, thellë. Midis xhehenemi e ka vendin, sepse ajo nuk ka besuar Allahun, nuk e ka besuar Pejgamberin, nuk e ka besuar Kuranin…Edhe nëse e ka besuar Allahun, ajo e ka besuar me të meta, jo të plotë. Të thuash se Allahu ka djalë, ajo është e metë. Allahu nuk e pranon atë adhurim”, kishte thënë ai.