Japonia u hapë dyert mjekëve kosovarë

Në Klinikën e Pediatrisë ka kuadro të mira, por ata duhet të vijnë në Japoni për trajnime dhe avancime të mëtejme, deklaroi shpreh mjeku japonez Komoaki Kato

Klinika e Pediatrisë në Qendrën Klinikën Universitare në Prishtinë posedon kuadro të mira, por atyre u nevojiten edhe trajnime dhe shkëmbime të përvojave të vendeve të tjera. Me këtë rast, Qeveria e Japonisë ua ka hapur dyert mjekëve kosovarë që të trajnohen në këtë shtet.

Kështu deklaroi Dr. Komoaki Kato, zëvendësdrejtor Institutit Kombëtarë për trajtim të nënës dhe fëmijës në Japoni.

Kato bashkë me një grup ekspertësh japonez nga fusha e mjekësisë, por qëndrojnë në Kosovë për të parë nga afër se si po funksionin shëndetësia kosovare. Ata sot vizituan Klinikën e Pediatrisë ku është informuar nga afër me punën që bëhet në këtë klinikë.

Ahmet Shala, Ambasador i Kosovës në Japoni, iniciatorë i këtij bashkëpunimi, shpjegoi se gjithçka ka filluar me interesimin që kishte shprehur një prind i fëmijës nga Kosova, i cili ishte i diagnostifikuar me sëmundjen apo sindromën e Kawasakit.

“Me interesimin e prindërit në fjalë, menjëherë kam kontaktuar qendrat shëndetësore në Japoni dhe  kam vënë kontakt me Institutin Kombëtarë për nëna dhe foshnje që është i specializuar për  trajtim të fëmijëve, ndërkohë pas takime jemi pajtuar që drejtuesit e kësaj qendre të vijnë në Kosovë dhe të fillojë bashkëpunimin me QKUK dhe Klinikën e Pediatrisë”, theksoi Shala.

Sipas tij, mjekët pas vizitës që kanë pasur në Klinikën e Pediatrisë kanë vërtetuar se ka kuadro të mira profesionale, por nevojiten trajnime, aparaturë e avancuar dhe funksionalizim i aparaturës ekzistuese.

Në anën tjetër, zëvendësdrejtori Institutit Kombëtarë për trajtim të nënës dhe fëmijës në Japoni, Dr. Tomoaki Kato, tha se pas interesimit të ambasadorit Shala, janë shprehur të gatshëm të vijnë në Kosovë dhe të shohin nga afër gjendjen.

“Nga ajo që pamë në Klinikën e Pediatrisë, u vërejt se ka kuadro të mira, por nevojiten trajnime dhe shkëmbime të përvojave, pra mjekët dhe infermieret duhet të vijnë në Japoni për trajnime dhe avancime të mëtejme”, u shpreh Kato.

Ndërsa Dr.Ramush Bejiqi, pediatër-kardiolog, theksoi se ndihmesa nga mjekët japonez është e mirëseardhur për Klinikën e Pediatrisë, duke shtuar se ata u shprehën të gatshëm të trajnojnë në QKUK dhe Japoni, mjekë dhe infermiere nga Qendra Klinike Universitare e Kosovës.