Janë rritur njerëzit – prangat u vinë të vogla!

Është konstatuar se njerëzit e sotshëm janë më të zhvilluar dhe me nyja të duarve më të fuqishme se sa njerëzit e para njëzet viteve

Prangat e policisë ushtarake të Zvicrës “u vinë të ngushta” njerëzve të sotëm mesatarë. Ekspertët kanë konstatuar se njerëzit e sotshëm janë më të zhvilluar dhe rrjedhimisht i kanë edhe nyjat e duarve më të fuqishme se sa njerëzit e para njëzet viteve.

Për këtë arsye, ushtrisë zvicerane i duhet që t`i zëvendësojë ato me të reja, më të mëdha. Kështu shkruan gazeta “Berner Zeitung” duke cituar një zëdhënës të ushtrisë, sipas të cilit bëhet fjalë për 1500 pranga dore të cilat i ka pasur në dispozicion deri më tash policia ushtarake.

Veç kësaj deri në vitin 2012 numri i prangave të reja duhet të rritet në 6800.