Iu dha lamtumira e fundit, kampionit Kabashi

Zëvendësminsitri i Kulturës, Rinisë dhe Sporteve, Hajdin Abazi ka thënë se vdekja e Besimit është një humbje e madhe për Kosovën

Mijëra qytetarë, sportistë, përfaqësues të insitucioneve dhe partive politike të Republikës së Kosovës, familjarë i dhanë të premten lamtumirën e fundit kampionit të botës në kik-boks, Besim Kabashi .Në ceremoninë e varrimit të zhvilluar në fshatin e lindjes, në Gurrakoc të Istogut, zëvendësminsitri i Kulturës, Rinisë dhe Sporteve, Hajdin Abazi ka thënë se vdekja e Besimit është një humbje e madhe për Kosovën. Ai ka theksuar se për personalitetin e Besimit, nuk kemi nevojë të flasim gjatë, sepse karriera e tij flet shumë, flasin rezultatet e tij kulmore dhe flet humanizmi i tij i treguar të bashkëkombasit.Për t’i dhënë lamtumirën e fundit kishte ardhur nga Gjermania edhe trajneri i Besimit, kroati Mlladen Steko. Sipas tij Besimi Kabashi, ka qenë një luftëtar i madh në ring.

Ndërsa familjarët i kanë falendëruar të gjithë pjesëmarrësit e ceremonisë së varrimit.Para varrimit qytetarë dhe përfqësues  institucionesh dhe partish politike, sportisë të shumtë, kanë bërë homazhe pranë trupit të të ndjerit në Shkollën Fillore “Martin Camaj” në Gurrakoc të Istogut.