Hakerët serbë sulmojnë webfaqen e Kuvendit të Kosovës

Hakerët serbë kanë sulmuar brenda 24 orëve dy herë faqen zyrtare të Kuvendit të Kosovës në internet. Ballina e faqes me flamurin e Serbisë dhe me titull “Në mbrojtje të serbëve në Kosovë” ka qëndruar deri rreth orës 09:00 të mëngjesit, ku më pas përgjegjësit nga Kuvendi e kanë rikthyer në gjendjen e mëparshme.

Por përgjegjësit e kësaj faqe nuk kanë mundur ta parandalojnë edhe sulmin e dytë që i është bërë nga hakerët serbë, të cilët rreth orës 11 00 kanë sulmuar sërish.

Gjatë kohës sa ka qëndruar nën sulmin e serbëve, në ueb faqe ka qenë edhe himni serb që është dëgjuar me të hapur faqen.