Gjermania përkrah zhvillimin e Kosovës

Reichel ka deklaruar se rinia kosovare është shpresa e zhvillimit të vendit pasi që ka kualifikimet e duhura dhe njeh gjuhët e huaja

Ambasadori i Gjermanisë në Kosovë, Ernst Reichel ka shprehur përcaktimin e vendit të tij për të përkrahur Kosovën në të gjithë lëmit, duke theksuar në rend të parë përkrahjen në zhvillimin ekonomik të vendit.

Në takim me kryetarin e Odës Ekonomike të Kosovës dhe përfaqësuesit e biznesit vendor ambasadori Reichel, ka shprehur përkrahjen e mëtutjeshme të tij dhe vendit të tij zhvillimit ekonomik. Ai ka deklaruar se rinia kosovare është shpresa e zhvillimit të vendit pasi që ka kualifikimet e duhura dhe njeh gjuhët e huaja.

Kurse, kryetari i Odës Ekonomike të Kosovës, Safet Gërxhaliu, ka theksuar se Gjermania deri më tash në mënyrë të gjithanshme ka përkrahur Kosovën në të gjitha fushat. Gërxhaliu ka thnë se modelet gjermane te edukimit do të jenë me siguri model i mirëseardhur për ardhmërinë e Kosovës.

Ai ka deklaruar se ekziston nevojë e madhe që të punohet në promovimin e vlerave dhe përmirësimin e imazhit të Kosovës.