Gana, vendi i 86-të që ka njohur Kosovën

Shteti i fundit që e kishte njohur Kosovën ishte Kuvajti, që e bëri këtë më 11 tetor 2011

Republika e Ganës e ka njohur shtetin e Kosovës. Lajmin e ka konfirmuar zëvendëskryeministri i parë i Qeverisë, Behgjet Pacolli në një konferencë për media.Pacolli njëkohësisht ka bërë edhe një prezantim të rezultateve nga lobimi për rritjen e numrit të njohjeve të Kosovës. Pacolli ka thënë se po lobon në Lindjen e Largët dhe në shtetet e Pacifikut, dhe se në fund të këtij muaji dhe në fillim të muajit shkurt do vizitojë Amerikën Qendrore dhe shtete e Karikomit, nga ku premton se do të sjellë njohje të reja.

Ai nuk ka lënë pa përmendur edhe njohjet që janë premtuar nga shtetet e Karikomit e që nuk kanë ardhur ende, por thotë se ka ndikuar shteti ynë fqinjë Serbia që ato të vonohen.

Gana që bëhet shteti i 86-të që tashmë zyrtarisht e ka njohur Kosovën. Gana ka rreth 25 milionë banorë dhe renditet në vendet me ngritjen më të shpejtë ekonomike në botë.

Shteti i fundit që e kishte njohur Kosovën ishte Kuvajti, që e bëri këtë më 11 tetor 2011