Fulle: Pa zgjidhjen e Kosovës Serbia nuk ka vend në BE

"Serbia nuk mund të bëhet anëtare e Bashkimit Evropian pa zgjidhjen e problemit me Kosovën, për këtë nuk ka asnjë fije dyshimi"

Duke arrestuar të akuzuarin e Hagës për krime lufte, Goran Hadzic, Serbia i është afruar marrjes së statusi të kandidatit për në Bashkimin Evropian, por ajo duhet të ndërmarrë edhe reforma të tjera politike dhe t’i përparojë marrëdhëniet me Kosovës, ka tërhequr vërejtjen Komisionari për zgjerim i BE-së, Stefan Fule.

Ajo për çka ne po diskutojmë është nëse bashkëpunimi i plotë me Tribunalin e Hagës dhe kapja e të arratisurit të fundit të mjafton dhe vetvetiu siguron propozimin për marrjen e statusit kandidatit. Përgjigjja ime është absolutisht e qartë : Jo!”, i ka thënë Fule Radios Evropa e Lirë në gjuhën serbe, që transmetohet nga Telegrafi.com.

Pas kryerjes së detyrës së bashkëpunimit me Hagën dhe fillimit të reformave të brendshme, çështje kryesore e pazgjidhur mbetet raporti i Serbisë ndaj Kosovës. “Serbia nuk mund të bëhet anëtare e Bashkimit Evropian pa zgjidhjen e problemit me Kosovën, për këtë nuk ka asnjë fije dyshimi. Beogradi e Prishtina, me ndihmën e BE-së, duhet ta gjejnë këtë zgjidhje”, ka thënë Fule.