Frangu i fortë ndikon në rezultatet e Bankës Nacionale Zvicerane

Gjatë tremujorit të parë 2012, Banka Nacionale Zvicerane (SNB-BNS) ka realizuar një humbje prej 1.73 miliardë frangash zvicerane

Sipas raportit ndërmjetësor, një vit më herët institucioni i cili emeton monedhën zvicerane pati realizuar një fitim prej 1.86 miliardë frangash zvicerane, njoftojnë mediet e vendit.

Sa i përket humbjeve lidhur me pozicionet e devizave të huaja, për tremujorin e parë të këtij vitim ata kapin shumën e 2.6 miliardë frangash zvicerane. Frangu zviceran është shtrënguar sërish karshi monedhave të huaja kryesore në tregun e devizave. Nga ana tjetër, një fitim në vlerë prej 760 millionë frangash zvicerane është realizuar mbi rezervën e arit.

Rezultati i SNB-BNS varet kryesisht nga evolucioni i tregut të arit, të shkëmbimeve si dhe të kapitalit.

Sa i përket fondit për stabilizim, ai është duke shënuar një evolucion pozitiv, duke realizuar kështu një fitim tremujor prej 153 milionë dollarësh amerikanë, gjë që ka ndikuar me 111 milionë franga për konsolidimin e rezultatit tremujor.