Finlanda zgjedh 2000 personat që do të marrin paga pa punuar

Fjala është për një projekt të Ministrisë për Punë Sociale dhe Shëndetësi , i cili parasheh që personat e zgjedhur të paguhen me nga 560 euro (600 franga) në muaj, pa u kërkuar punë prej tyre

Nga janari i vitit që vjen, në Finlandë fillon jetësimi i eksperimentit të shumëpërfolur, i cili u mundëson 2000 personave të zgjedhur me metodën e rastësisë, që të marrin “paga” të pakushtëzuara. Fjala është për një projekt të Ministrisë për Punë Sociale dhe Shëndetësi , i cili parasheh që personat e zgjedhur të paguhen me nga 560 euro (600 franga) në muaj, pa u kërkuar punë prej tyre, shkruan süddeutechezeitung.de

Eksperimenti do të zgjasë dy vjet dhe të zgjedhurit duhet të marrin pjesë, deshën ose s`deshën, transmeton albinfo.ch. Sigurisht, kategoria e njerëzve në mesin e të cilëve është bërë përzgjedhja, ka qenë e caktuar: aty janë marrë në konsideratë personat në mes moshës 25 dhe 58 vjeçare, të cilët janë duke marrë ndihma për të papunët. “paga” bazë të cilën ata do ta marrin do të jetë plotësim për ndihmat e papunësisë. Cilido që merr me tepër se ndihmat e përmendura, përjashtohet nga grupi.

Synimi të cilin e ndjek qeveria me këtë eksperiment është që t`i motivojë njerëzit më shumë për punë, përcjell albinfo.ch.  Eksperimenti pra do të tregojë nëse të ardhurat pa punë do të ndikojnë pozitivisht edhe në gjithë shoqërinë dhe jo vetëm te personat që do t`i gëzojnë ato.

Është interesante se për këtë projekt janë shprehur pozitivisht jo vetëm forcat e majta, siç mund të pritej por edhe të djathtat, përfshirë edhe qeverinë në fuqi, e cila udhëhiqet nga e djathta. Shkalla e papunësisë në Finlandë ka shënuar rritje. Ajo së fundi është ngjitur në 9 për qind,

2000 personat që do të përfitojnë nga këto të ardhura pritet të zgjidhen javën që vjen.