Fillon Universiteti Veror i Prishtinës me 500 studentë vendës dhe të huaj

Kanë aplikuar afër 2 mijë studentë, ndërsa pjesëmarrës do të jenë vetëm 500 prej tyre, 300 vendës dhe 200 ndërkombëtarë

Edicioni i njëmbëdhjetë i Universitetit Ndërkombëtar Veror “Prishtina 2011”, i cili do të mbahet nga data 11 deri më  22 të këtij muaji do të pres 500 studentë vendës dhe të huaj.

Risi për këtë vit do të jetë edhe pjesëmarrja e profesorëve ndërkombëtarë. 

Zyrëtar të Universitetit Veror të Prishtinës, kanë konfirmuar janë bërë të gjitha përgatitjet e duhura për hapjen e Universitetit Veror, ndërsa konfirmimi i studentëve pjesëmarrës ka përfunduar.

Për këtë sezon, kanë aplikuar afër 2 mijë studentë nga Kosova e bota, ndërsa pjesëmarrës në universitet do të jenë 500 prej tyre, 300 vendës dhe 200 ndërkombëtarë.

Studentët të cilët do të marrin pjesë në Universitetin Veror do të kenë mundësinë të mësojnë në 24 kurse nga lëmit e ndryshme.

Ndërsa me të përfunduar kurset secili student do t’i nënshtrohet testit për t’u pajisur me certifikata nga Universiteti i Prishtinës.